Hurrengora arte!

Kaixo lagunok!

Ebalueketa oso bat eta gero, heldu da agur esateko ordua. Nahiz eta blogean bertan ez dugun nahi beste sakondu, gehien bat denbora falta dela-eta, espero dugu behintzat oinarrizko kontzepturen bat barneratu eta gai honen inguruan hausnartu izana, prozesu honekin gozatzea.

Blog honekin, IKTetako baliabide desberdinak erabiltzen saiatu gara: bideoak, audioak, linkak, instagrama, web bidezko galdetegiak, argazkiak, artikuluak, flipagrameko bideoa, taulak...

Gure aldetik, esatea gelditzen zaigun bakarra zera da: oraindik badela hezkuntzan zein gizartean bertan, bai sexu bai generoen arteko desberdintasun ikaragarri bat, duela urte batzuk baino sutilagoa baina sistema kapitalista eta patriarkalak bizirauten duen bitartean honekin eskutik helduta dabilena, betiere, emakumearen gutxiespen eta zapalkuntza duena ardatz.

Guk, irakasleok, paper handi bat jokatzen dugu sistema honen haustura sortze aldera, bai eta etorkizuneko gizarteko oinarria izango diren gaur egungo haurrak honekiko kritiko eta konziente bihurtzerako orduan ere. Baina horretarako, argi dago lehendabizi geuk jaso behar dugula formakuntza feminista honen inguruan eta geu bihurtu behar garela kritiko eta konziente. Beraz, has gaitezen horretan!

Instagrameko argazkiak

Hemen uzten dizuegu gure Instagramera igo ditugun argazki batzuekin egindako bideotxo bat. Gozatu!

View on Flipagram

IKTekin harremantzen

Kaixo ikasle! Gaur, Geografia eta Matematikako gaien edukiak lantzeko, jardueratxo bat proposatzen dizuegu.

Lehendabizi, egokitu zaizun gaiaren inguruko galdeketatxo bat burutu beharko duzue, zuen herriaren inguruan pixkatxo bat gehiago ikas dezazuen. Egin ezazu klik egokitu zaizun gaiaren estekaren gainean eta hasi erantzuten. Beraz, aurrera! ;)

Lekeitioko ELIZA nagusia 

 Galdetegi hau erantzuteko, hemen aurkitu behar duzue informazioa:

     -Lehenengo iturria

     -Bigarren iturria (oso euskara txarrean idatzita)

Lekeitioko ALDE ZAHARRA

Galdetegi hau erantzuteko, hemen aurkitu behar duzue informazioa:

     - Lehenengo iturria

     - Bigarren iturria

     - Hirugarren iturria

Lekeitioko ITSASARGIA 

Galdetegi hau erantzuteko, hemen aurkitu behar duzue informazioa:

     - Lehenengo iturria

     - Bigarren iturria

Lekeitioko PORTUA

Galdetegi hau erantzuteko, hemen aurkitu behar duzue informazioa:

   - Lehenengo iturria

   - Bigarren iturria

Lekeitioko IKASTOLA

Galdetegi hau erantzuteko, hemen aurkitu behar duzue informazioa:

     - Lehenengo iturria

     - Bigarren iturria

----------------------------------

Hau egin ostean, gai berdina duzuen ikaskide guztiok batu beharko zarete talde bat sortuz. Behin guztiok batuta, zuen lekua (eliza, alde zaharra, itsasargia edo portua) aurkitu beharko duzue interneten "Google Maps"-en bidez. 

Talde guztiok aurkitu duzue zuen lekua? Ba orain, Lekeitioko mapa oinarri hartuta, hau berau gelako eskalan interpretatu beharko duzue. Iparraldea, hegoaldea, mendebaldea eta ekialdea zeintzuk diren markatu eta has zaitezte Lekeitioko Mapa interpretatzen. Horretarako lehendabizi eskala kalkulatu beharko duzue, ea nola moldatzen zareten! 

Behin neurriak kalkulatuta eta ikasgelako eskalan interpretatuta, leku batetik bestera dagoen distantzia argi eta bisualki ikusi ahal izateko, puntu batetik besteetara hariak botako ditugu eta hari horretan adierazi (post it baten bidez) ze distantziatara dagoen.

 ----------------------------------

 Hemen dauzkazue ariketa honen nondik norakoak zehaztuta. 

IKTekin harremantzen

●     Deskribapena

✓     Jardueraren deskribapen zehatza: o      Zer egingo dugun. Eduki nagusia geografia da. Eta horixe da landuko duguna. Baina, zeharka, beste jakintza alor batzuk (azal-azaletik) ukituko ditugu: matematika (neurriak, eskalak, proportzionaltasuna…), tutoretza (lankidetza), euskara (komunikazioa…) eta IKTak (galdetegitxoei erantzunez, informazioa bilatzerakoan Sarean arakatuz eta Google Maps erabiliz). o      Nola egingo dugun. IKTen bitartez landuko dugu geografia. Guztira, bost gai egongo dira. Eta ikasle bakoitzari, gai bat emango zaio, ausaz. Gaian sakontzeko, galdetegi bat egiteko eskatuko zaie. Galdetegiko galderei zuzen erantzuteko informazioa bilatu beharko dute Interneten (kontuan harturik, informazio iturri guztiak ez direla fidagarriak. Eta irizpide horrekin, galbahea egin beharko dute zein orri izan daitekeen fidagarria eta zein ez jakiteko). Behin gaiaren gainean zelanbaiteko oinarria eraikita, gai berbera duten ikasleak bildu eta egokitutako toki hori Goggle Maps-en bilatzeko eskatuko zaie. Halaxe, mapa hori gelako eskalan interpretatu. Talde bakoitza Lekeitioko leku bat izango da. Eta leku batetik bestera dagoen distantzia adierazteko hari bat botako dute distantzia hori adieraziz.

●     Edukiak eta helburuak

✓     Jarduera honetan landutako edukiak eta helburuak. ●        EDUKIAK -          Matematika: eskala eta neurria -          Euskarazko komunikazioa -          Talde-izpiritua, lankidetza -          Geografia: Lekeitioko ingurunea ezagutzen -          Gogoeta intrapertsonala -           Informazioaren bilaketa eta hautaketa egokia -          Informazio eta Komunikazio Teknologien (IKTen) erabilera ●        HELBURUAK -          Eskalak eta neurriak zer diren ulertzea, baita zuzen erabiltzen eta aplikatzen jakitea ere. -          Euren artean, hizkuntzaren arau orokorrak zainduz (jariotasuna, naturaltasuna, fonetika, gramatika, kohesioa, koherentzia, aberastasuna…), euskaraz komunikatzea. -          Lankidetza sustatzea, taldekide guztion ekarpenak garrantzitsuak direla azpimarratuz. -          Gaiaren inguruan nork bere buruarekiko gogoeta egitea. -          Informazioa bilatzen eta hautatzen jakitea, iturrien fidagarritasunari dagokionez irizpide kritikoa izanik. -          IKTak zeharka erabiltzea; hots, helburua erdiesteko bitarteko gisa. Eta ez IKTak eurak helburu bailiran.

●     Jasotzaile

✓     Nori zuzenduta dago jarduera: o      Ikasleen adina: 3. zikloko 6. maila o      Prestatutako ordua klasean egin beharko da; kasu honetan, taldeak 4 pertsonakoak izango dira, horrelako 5 daude

●     Gutxi gorabeherako iraupena

✓     Zenbat denbora irungo duen jarduerak: ordu bete

●     Ezartzeko espazioa

✓     Non garatuko dugu jarduera? Jarduera hauek Lekeitioko eskolan egingo dira, ingurunearen ezagueraren irakasgaian

●     Derrigorrezko materiala

✓     Erabiliko dugun materiala: leku desberdinak idatzirik dituzten paper txikiak, internet bidezko galdetegia,   ✓     Jarduera egiteko fitxak: Internet bidez osatuko den galdetegia

●     Aldez aurretiko antolaketa

✓     Erabiliko dugun materialaren antolaketa: klase hasieran azalpen orokorra eman ondoren, talde bakoitzeko bolondres bat eskatuko da eta pertsona hori papertxoetako bat hartuko du; hori izango da bere taldeak jorratu beharko duen Lekeitioko atala. Jarraian, haien gaia jarraituz, dagokien galdetegia bete beharko dute sarean informazioa bilatuz. ✓     Espazioaren antolaketa (klase, txoko, tailerra…): taldeak aurretik prestaturik daudenez, txokoka eseriko dira eta momentuz, talde bakoitzeko ordenagailu bakar batekin nahiko izango dute.

 

 

Bullying kasu baten aurrean...

GENEROA HEZKUNTZAN: gure ingurukoen esperientziak

Historian zehar hamaika motatako bereizkeriak izan dira hezkuntzan generoari dagokionez. Horiek denak, behe-behetik ustelduriko gizarte baten ondorio dira. Eta hurrengo ikus-entzutekoaren bitartez eta, Irakasleen Eskolako ikasle diren zenbait gazteren eskutik, gai horri buruzko iritziak biltzen aritu gara. Bideoan gogoeta egitera animatzen zaio ikus-entzuleari, horretarako gaiaren inguruko pare bat galderaz lagundurik. Iradokizunik edota iruzkinik egin nahi izanez gero, idatzi orrialdeko beheko partean.

Beste barik, gozatu gure lanaz! Hona hemen:

Esperientzia pertsonala

Bigarren sarrera honetan, taldekide bakoitzaren eskutik, praktiketan egondako hilabetearen inguruko hausnarketa txikia argitaratuko dugu, betiere blog honen gai nagusia lantzeko asmoz: generoa hezkuntzan. Modu honetan, eskola desberdinetan zer nolako generoaren lanketa dagoen ikusi ahal izango da eta, aldi berean, konparaketa egin.

Horretarako, hausnarketetatik hiru idatziz agertuko dira eta bat entzuteko formatuan.

1. esperientzia:

Generoari dagokionez, nahiko orekatua dago ni praktiketan egon naizen eskola. Irakasleei dagokienez, emakumeak dira orokorrean; portzentai bat ematekotan, %30 baino ez dira gizonak. Kopuru txiki honen artean, gorputz hezkuntzako bi maisu aurkitzen ditugu. Gainera, irakasgai bereziei dagokienez, ingelesa eta musika irakasten dutenak emakumeak dira. Jantokiaren zainketari dagokionez, bertan lan egiten duten pertsonak, bai sukaldariak bai zaintzaileak, guztiak emakumeak dira. Ikastetxean aginte altuagoa duten pertsonen artean; hau da, zuzendaria eta idazkaria, orekatua dago generoari dagokionez: zuzendaria gizona da eta, idazkaria, emakumea. Hala ere, zuzendaritza talde barruan duten indarra ekibalentea da. Azkenik, ikastetxean lehen mailako eragina ez duten pertsonen kasuan; hau da, garbitzaileak eta konponketak egiten dituztenak, genero banaketa ez da batere orekadua. Alabaina, garbitzaileen taldea emakumez osatuta dago eta besteen kasuan, aldiz, gizonak.

2. esperientzia:

Nire praktika-aldian genero errealitate oso ezberdinak antzeman ditut. Egon naizen klasean 16 mutil eta 9 neska dira; harrigarria, zalantza barik. Izan ere, ez da batere ohikoa horren desoreka handia egotea neska eta mutil ikasle kopuruan. Osterantzean, irakasleekin guztiz aurkakoa gertatzen da: askoz ere gehiago dira (LHn, behintzat) emakumeak gizonak baino. Genero rolak hain daude gure egunerokotasunean ezarrita ezen jabetu barik ogibide batzuk gizonezkoekin eta beste batzuk emakumezkoekin lotzen ditugun. Zergatik dira HH eta LHko irakasle gehienak emakumeak? Soinketako irakasleak, aldiz, den-denak dira gizonak Zergatik, baina? Ez al da izango gizarteak inposatutako balio horiek geureganatu ditugula? Nire ikastetxean horixe antzeman dut; genero-ogibide harremana uste baino askoz ere estuagoa dela. Administrazioko lagileak, garbitzaileak eta jantokiko begiraleak, guzti-guztiak emakumek. Lan fisikoak burutzeaz arduratzen diren mantentze-zerbitzuko langileak, ostera, gizonezkoak denak.

Berdintasuna, beraz, gainditu beharreko ikasgaia da praktikak egin ditudan zentroan. Eta nire ustez, borroka horretan zuzendariak (emakumea bera ere) erabaki zorrotzagoak hartu beharko lituzke, bere ikastetxeari ez ezik, gizarteari ere mesede egingo liokeelako.

3. esperientzia: 

Nire kasuan, geletan ikasle kopuru erdia neskak ziren eta beste erdia mutilak, bai eta irakasleek ere. 3. zikloan egonda, bertan klasea ematen zuten irakasleei erreparatuz, 5 emakume eta 4 gizon zirela esan behar dut.

Hala ere, jolastorduetan genero desberdintasunaren adierazpen aipagarria gertatzen zen.

Ikastola hiru patio desberdinetan banatzen zen eta patio bakoitzean kurtso hasieratik adostutako kurtsoak jokatzen zuten. 5. eta 6. kurtsoen kasuan, 3. patioan jokatzen zuten Lehen Hezkuntzako 4. kurtsokoekin batera. Aipatzekoa da patio bakoitzean futbol zelai bat dagoela eta beste gauzak egiteko leku gutxi. Hala ere, 1. eta 3. patioak saski baloiko zelai txikiak zituzten.

Nahiz eta 5. kurtsoko zenbait neska futbolera jolastu (6. kurtsoko neskak gutxiago ziren) askoz mutil gehiago zeuden. Beraz, kanpotik ikusita, patioa mutilez beteta zegoela eta futbol zelaiaren alboetan neskak antolatuta zeudela zirudien.

Honen kontzientzia bazeukaten zentroko zuzendariek eta egoera honi konponbide bat ezartzekoan zeuden. Haien soluziorik argiena astero bi egunetan futbola debekatzea zen, guztiok espazio berdina aprobetxatzeko aukera izateko.

4. esperientzia:

Generoa hezkuntzan: hasierako hausnarketa

Askok genero berdintasuna erdietsi dugula uste badute ere, gogoratu beharra dago gero eta gehiago direla bereizkeria handituz doala dioten ikerketak. Horren guztiaren erroak hezkuntzan daude. Eta, hezitzaile izango garen neurrian, kontzientziazio lan horretan aritzea dagokigu, duda-mudarik gabe; halaxe baino ez baitugu lortuko aukera parekidetasunean oinarritutako gizartea, genero-bortxaketarik gabea eta feminismoan oinarritua. 

Hezkuntzan eta, oro har, gizartean hain sustraituta dagoen genero desberdintasuna abiapuntu izanda, irizpide kritikoan oinarritutako esparru zabala izango da gure bloga, hainbat aspektu bere baitan hartuko dituena: hausnarketa pertsonalak, infromazio interesgarria, adituen hitzak, aterabideak...